miércoles, 15 de noviembre de 2017

Aprender xogando!



Os alumnos de Ciencia Activa de 4º ESO crearon a súa primeira actividade interactiva, empregando Educaplay, Thomas Pérez, elaborou un estupendo rosco de PASAPALABRA para repasar os contidos sobre o estudio da estructura da Terra, os pregamentos, os seísmos a Tectónica de Placas ou a Deriva Continental. Foi moi instructivo resolvelo entre todos na aula só temos cinco minutos!
Proba a resolvelo neste enlace: PASAPALABRA Ciencia Activa ESO é!








domingo, 29 de octubre de 2017

Cambio de hora! Chega o outono!

Este domingo, 28 de outubro cambiou a hora por segunda vez este 2017. 
Os reloxos demoráronse unha hora, polo que ás tres da mañá volvéron a ser as dúas. Unha hora extra de soño que nos permitiu descansar máis este fin de semana pero que, como todos os anos, vai acompañada de polémica. 

España está na zona horaria correcta?

 



Todo aconteceu durante a Segunda Guerra Mundial, cando España e outros países europeos (excepto Portugal e Suíza) adiantaron a hora nese intre. E, aínda que en principio ía ser unha decisión temporal, o certo é que o noso país nunca máis volveu á zona horaria que lle correspondería pola súa latitude (o do meridiano de Greenwich GMT no inverno)
Tampouco o fixeron Francia, Bélxica ou Países Baixos. Por esta razón, en España temos a hora de Europa Central (de Berlín) en vez do Oeste (Londres), polo que temos unha hora antes de sol no inverno e dúas no verán. 
España ten a distinción de ter dúas horas oficiais, unha para a Península e as Illas Baleares e outra para as Illas Canarias, que son dunha hora dende 1922.
Este cambio de hora forma parte dunha directiva europea que afecta a todos os Estados membros da UE e ten como obxectivo aproveitar mellor as horas de sol, co fin de aforrar electricidade. En xeral, este cambio ten lugar o último fin de semana de outubro, no horario de inverno e no último de marzo, durante o verán.



domingo, 22 de octubre de 2017

Planificando a 1ª Avaliación

Organiza o teu estudio!
É moi importante organizarnos antes das probas escritas! Despois do descanso estival costa un pouco volver a recuperar o ritmo de estudio do curso, non hai dúbida cunha boa planificación é esencial!

Lembrade exercitar o cerebro, leer, facer esquemas, estar atentos nas clases, plantexar dúbidas, investigar sobre temas interesantes coma novas científicas, facer actividades interactivas recomendadas pola profe para aprender xogando, ou deseñar as túas propias actividades, se tes gañas de aprender o cerebro actívase!

Dende a materia de bioloxía e xeoloxía axudareivos nesa planificación, lembrade:

1ª Avaliación
Primeiros controis mes de outubro (23 ao 27 de outubro)
Segundos controis mes de decembro (11 ao 15 de decembro) 
As probas escritas (70% da cualificación) de bioloxía e xeoloxía estarán distribuídas todo o curso deste xeito: 
3º ESO B/ 4º ESO A martes
3º ESO A/ 2º BAC CTerra mércores
1º BAC/ 2º BAC Bio venres

Traballos prácticos (30% da cualificación) elixe as túas participacións para cada avaliación:

#ArtCienciaActiva: Elaboración de maquetas biolóxicas.
Podcast: Selección de novas científicas e gravación para o canle de podcast do proxecto Ciencia Activa
Vídeos: Gravar novas cientificas para o canle de youtube e tv en streaming
Presentacións Ciencia Activa: Elabora a túa propia presentación en Power Point ou Google Drive.
Microrrelatos científicos para o V Festival do Libro
Aventuras Científicas: Teatro no V Festival do libro
Couch- Kids: Ser cibermanager de alumnos de primaria
Novos profes- pequenos científicos: Elexir prácticas sinxelas e explicarllas a alumnos de infantil e primaria.
Consulta o Blog de alumnos de ESO e verás mellor e que consiste cada actividade: Ciencia Activa ESO é!

Lembra o dito do célebre Einstein:
 A creatividade é a intelixencia divertíndose!

   

jueves, 21 de septiembre de 2017

Calendario escolar "Apúntate unha idea"

Empezamos o curso recibindo o calendario escolar "Apúntate unha idea". Editado cos traballos premiados e seleccionados nas categorías de debuxo, slogan e relatos, pola Concellería de sanidade do Concello de Ourense, dentro da campaña de prevención de consumo de alcohol: Desmonta o alcohol. 
Encantados de ver o bonito debuxo de Lauro Kavan, que resultara gañador do primeiro premio, presidindo o mes de setembro, o microrrelato de Gema Da Rocha, no mes de decembro, o relato de Edilia Domínguez atopámolo na folla de febreiro, e xa en abril o debuxo de Paula Gómez e o microrrelato de David López en maio. 
Noraboa a todos e moitas a grazas ao concello polos calendarios, que difunden os bonitos e didácticos traballos dos estudiantes por todos os colexios da nosa provincia.

LAURO 3ºESO

GEMA 3ºESO

EDILIA 3º ESO

PAULA 2º ESO
Na categoría de clipmetraxes foron moitos os premiados do cole que tamén lembramos nesta entrada, non deixedes de adicar un minuto para ver estes estupendos vídeos:

                 PRIMER PREMIO xurado: Gema Da Rocha  e Carlos Cuesta   por "As nosas ideas" .




                 

             ACCÉSIT: Soraya Antelo Gómes  por "Pataquín e Patacón no Botellón"



                 
                     ACCÉSIT: Yanelfi Lavandier   por "Bebe as horas...sen alcohol"



               
                   MENCIÓN HONORÍFICA: "Nós mesmos sen alcohol" (Participa titoría de 4º ESO A)


   
                                                     

viernes, 15 de septiembre de 2017

Benvid@s! Comezamos un novo ano escolar!

O curso 2017- 2018 comeza xa! 
O colexio Padre Feijoo- Zorelle abre as portas de novo a todo o alumnado neste  curso académico 2017- 2018, o profesorado xa está listo! 
Hoxe neste primeiro día de colexio na secundaria e bacharelato, todo se volven reencontros entre amigos, sorrisos e moitas emocións ante esta aventura que iniciamos xuntos. Con moita ilusión comezamos este  ano escolar con novos proxectos e continuando cos que xa temos en marcha, sempre na búsqueda do éxito académico e persoal que todos xuntos podemos acadar.


                    Xuntos na procura do éxito! 

Dende o Departamento de bioloxía e xeoloxía lembrámonos de que somos Ciencia Activa, e pronto retomaremos a actividade dos blogs cos novos contribuíntes que colleredes a testemuña de ambos blogs tanto en BAC coma na ESO, sei que é unha responsabilidade pero contaredes coa axuda dos profes, non teño ningunha dúbida de que o faredes moi ben. 
Continuaremos con proxectos que xa coñecedes coma: ArtCiencia, Coach- Kids, Novos profes, colaboracións Post Crossing, microrrelatos científicos...e algún outra novidade que xa iremos contando e que vos permitirán mellorar as vosas calificacións e aprender por vos mesmos!
                              Benvid@s!

Resultado de imagen de bienvenidos nuevo curso

jueves, 29 de junio de 2017

Graduación 4º de ESO

O xoves 22 de xuño a punto de rematar o curso tivo lugar a despedida dos estudiantes de 4º da ESO. No acto de graduación fixose entrega dunha orla e unha beca a cada alumno e alumna por parte da súas titoras Beatriz Nieto e Beatriz Temes. Emotivas palabras as que adicou Alex Outeiriño a todos os seus compañeiros e unhas cariñosas palabras que a xefa de estudios dirixiu a todos en representación da dirección do colexio.
Un acto sinxelo pero cheo de moitas lembranzas e de bos desexos para unha nova etapa que comeza e que seguro conseguirán superar con éxito, con determinación e entrega.
Noraboa a tod@s e un feliz verán!
Moitos éxitos, vémonos en bacharelato!










lunes, 19 de junio de 2017

Entrega de Diplomas "Xornalistas na escola"


Festa dos premiados do Concurso organizado polo xornal "La Región"!

Premiados de 2º e 3º de ESO do cole!
 Hoxe 19 de xuño os colexios premiados asistiron ao acto de entrega de diplomas por parte do alcalde de Ourense, o vicepresidente da Deputación e representantes de Viaqua, e o Centro Comercial Ponte Vella coma patrocinadores.
Foi un xornada moi intensa, que empezou sobre as once e media con xogos de maxia nos que participaron tamén os escolares. A continuación procedeuse a entrega dos diplomas, destacar que o colexio Padre Feijoo- Zorelle foi o máis galardoado, xa que resultou premiado en tres categorías: 4º de primaria, 2º da ESO e 3º da ESO.
Neste enlace fanse eco da festa dos premios dos xornalistas na escola: (Telemiño hoxe)
Os estudiantes de primaria foron os primeiros en comer, namentres os de secundaria pasárono en grande cos xogos da Wii, playstation e obradoiro de chapas.
Sobre as tres da tarde os premiados de secundaria do cole acompañados de Rosa, Ángeles e Bea foron o Mc Donald´s a comer, e os compañeiros de 4º de primaria coa súa titora Tamara e Rocío, xa despois de xantar, incorporáronse aos obradoiros.
Unha xornada de festa onde con risas e bo humor pasamos un día diferente que rematou preto das cinco da tarde cando voltamos ao colexio.
Unha estupenda maneira de rematar o curso, recollendo premios e divertíndonos!

3º de ESO recolle o premio!

3º de ESO responde a
 telemiño
Aumnos de 2º ESO recollendo o premio!

Responde as preguntas para Telemiño!

Íker de 3º de ESO axuda ao mago!

3º ESO fai a ola!

4º de primaria recolle o Diploma da mans do vicepresidente da Deputación!

4º de primaria e Tamara a súa titora recollendo diploma!

Todos os premiados!


Maxia e risas!

2º de ESO a comer!

Felices!

4º de primaria con Rocío e Tamara vendo o espectáculo de maxia!

Disfrutando!

Preparados para o baile ca Wii!

3º ESO no xantar!

Non deixamos nada!

Rosa e Bea con 2º e 3º!

Rosa preside a mesa!

Esperando actuacións ao fresco, no Centro comercial!

Esperando para xantar!